中年好聲音4︱靚聲「企鵝人」真身令網民熱議 周志康張振朗鄭俊弘呼聲最高

【中年好聲音4 / 周志康 / 張振朗 / 鄭俊弘 / 羅天宇】TVB節目《中年好聲音4》第4集《中年好聲音4 決戰TVB藝人賽區》在昨晚（12月14日）播出後，在網絡引發熱討，當中最大焦點，落在「靚聲企鵝人」及「高辨識度獅子王」身上。首先「企鵝人」以超強唱功演唱《Touch》，成為本集唯一獲得5燈藝人，並獲評審們大讚，肥媽：「有料！一開聲我就話佢有料」，海兒：「喺咁高壓嘅情況下，都咁游刃有餘咁唱到呢隻歌，Congratulations！」周國豐：「參加咗四季，我未試過咁樣形容一個參賽者，我會用拉筋嚟形容，因為你條筋好鬆，即係聲帶，令到成件事好舒服，好似海浪咁一陣一陣。」張佳添更指「企鵝人」撞聲原唱古巨基：「其實你係咪古巨基嚟？睇下隻手有冇汗，聽到你有靚聲有感情，有技巧，有細緻。」車婉婉亦即時配合舉起「企鵝人」的手認證「好乾爽」，笑爆全場。中年好聲音4︱「御用秘書」葉凱茵失準遭淘汰淚崩　發文無奈稱：我對自己都好失望 ▼點擊圖片放大 +5 +4 中年好聲音4︱張振朗鄭俊弘周志康成三大嫌疑人由於「企鵝人」唱得實在太好聽，加上單憑聲線相當難估出真身，隨即引發網民洗版式「熱估」，綜合各大留言，三大嫌疑人分別為張振朗、鄭俊弘及周志康。網民：「一開口就係張振朗」、「佢係扮鄭俊泓嘅張振朗」、「一億%係周志康」、「D手指又尖又長，隻耳似周志康，但側面又似似哋張振朗」、「鄭俊弘不嬲都似古巨基把聲」、「聽把聲100%一定唔係鄭俊弘，應該係張振朗」，更有不少網民翻摷三位以往公開演唱的片段作對比搵答案。同樣在網絡引發熱討的「獅子王」，則由於聲線太有辨識度，網上幾乎逾九成留言都熱估是羅天宇，至於真正答案，當然依然有待分曉。網民：「係一聽就知係羅天宇，聲音太有辨識度」、「估唔到羅天宇唱得咁好聽！可以向情歌王子進發」、「天宇把聲太易認！仲有佢條事業線」。 ▼點擊圖片放大 +3 +2